U noći sa subote na nedjelju odigrano je šest susreta u okviru NBA lige. Majami Hit i Toronto Raptorsi odigrali su zanimljiv meč gdje su na kraju gosti slavili rezultatom 120:124. 

Krajem drugog produžetka desila se bizarna situacija, kada je trener domaćih Erik Spoelstra pozvao tajm-aut i poništio koš svoje ekipe. 

U posljednjim sekundama drugog produžetka Mijami je pri izjednačenom rezultatu osvojio posjed, a Gejb Vinsent (Gabe Vincent) potračao u kontru, bacio loptu s deset metara i pogodio.

Ni on ni većina navijača nisu shvatili da je Spoelstra sekundu ranije pozvao tajm-aut kako bi zaustavio igru i nacrtao akciju za pobjednički koš.

Majami je u preostalih 1.7 sekundi nije uspio postići koš, a u trećem produžetku Raptorsi su slomili domaćine i odnijeli vrijednu pobjedu u borbi za doigravanje.