Košarkaši Denvera u noći između četvrtka i petka izgubili su od Klivlenda rezultatom 126:114, a Nagetsima je ovo bio čak šesti poraz u posljednjih deset mečeva.

Nažalost, nije im pomogao ni novi tripl-dabl Nikole Jokića koji je meč završio sa 27 poena, 20 skokova i 11 asistencija.

Slavni Jokić već je na poluvremenu imao 17 poena, 14 skokova i pet asistencija, da bi, ako je vjerovati naprednoj sportskoj statistici, postao najbrži igrač još od 1961. koji je ostvario 500 poena, 200 skokova i 150 asistencija u jednoj sezoni.

Inače, Jokić je došao do 139. tripl-dabla u karijeri i tako je pretekao Irvinga Medžika Džonsona na listi.

Sem tog početnog vodstva protiv trenutno najboljeg tima lige, onog do 10:7, Nagesti su uglavnom bili u podređenom položaju i već krajem prve dionice bili su u dvociofrenom minusu.

Kavsi su imali +16 na startu druge četvrtine, Denver je u jednom trenutku stigao na 63:62, ali je već u trećoj domaćin otišao na velikih +18 i tako završio posao.

Majkl Porter Džunior je imao 24 poena i sedam skokova kod Denvera, Džamal Marej je ubacio 19, Aron Gordon 18, dok su Kristijan Braun i Rasel Vestbruk imali po 10.

S druge strane, Donovan Mičel je bio sjajan sa 28 poena, dok su Kavsi zabilježili svoj 20. trijumf ove sezone - uz samo tri poraza.

Darijs Garland ga je pratio sa 24 poena, Karis Levert je imao 21, dok je Evan Mobli zabilježio 20 poena i 11 skokova.